விக்ரம், ஆர்யாவுக்கு ஜோடியான உற்சாகத்தில் ஹன்சிகா!

சிம்புவுக்கும் ஹன்சிகாவுக்கும் இனி எந்தத் தொடர்பும் இல்லை என்பது உறுதியாகிவிட்டது. சிம்புவுடனான காதல் முறிந்த பிறகு ஹன்சிகா இன்னும் அதிக உற்சாகத்தில் இருக்கிறார்.

தரணி இயக்கும் 'ராஸ்கல்' படத்தில் விக்ரமுக்கு ஜோடியாக நடிக்கிறார். அதுமட்டுமில்லாமல், மகிழ் திருமேனி இயக்கும் 'மீகாமன்' படத்தில் ஆர்யாவுக்கும் ஜோடியாக நடிக்கிறார்.

ஏற்கனவே 'மான்கராத்தே', 'அரண்மனை' படங்களில் நடித்துக் கொண்டிருப்பவர் அதிக படங்களில் நடிக்க கமிட் ஆவதால் சந்தோஷமாக இருக்கிறாராம்.

சிம்புவின் காதலும், பிரிவும் உங்களைப் பாதிக்கவில்லையா என்று யார் கேட்டாலும், ''இல்லை. முன்பை விட இப்போதுதான் நான் சந்தோஷமாக இருக்கிறேன்'' என்று பட்டென்று பதில் சொல்கிறாராம் ஹன்சிகா.